កម្លាំងនគរបាលបឹងសាឡាង ឃាត់ខ្លួនជនសង្ស័យ២នាក់ ជាក់ស្តែងករណីបទប៉ុនប៉ងលួច
15-January-2019 | ដោយ ពលមនសិការ
ភ្នំពេញ៖ កម្លាំងនគរបាលបឹងសាឡាង ឃាត់ខ្លួនជនសង្ស័យ២នាក់ ជាក់ស្តែងករណីបទប៉ុនប៉ងលួច នៅថ្ងៃទី១៥ ខែមករា ឆ្នាំ២០១៩ វេលាម៉ោង១និង៥០នាទី នៅចំណុចផ្ទះលេខ១២៤ ផ្លូវ២៥៥ ក្រុម៩ ភូមិ៣ សង្កាត់បឹងសាឡាង ខណ្ឌទួលគោក រាជធានីភ្នំពេញ។
លោកវរសេនីយ៍ទោ សុខ ហេង អធិការនគរបាលខណ្ឌបានឱ្យដឹងថាជនរងគ្រោះឈ្មោះប៊ូ ដានី ភេទប្រុស អាយុ២៤ឆ្នាំជនជាតិខ្មែរ មុខរបរត់ឡាំប្រឺតា REឥណ្ឌា និងធ្វើម៉ាស៊ីនត្រជាក់ ស្នាក់នៅផ្ទះលេខ១២៤ ផ្លូវ២៥៥ ក្រុម៩ ភូមិ៣សង្កាត់បឹងសាឡាង ខណ្ឌទួលគោក។
ជនសង្ស័យចំនួន០២នាក់ទី១.ឈ្មោះហឹម ដូ ភេទប្រុសអាយុ៣១ឆ្នាំ មុខរបរសន្តិសុខផ្សារចាស់ និងលើកឥវ៉ាន់ផ្សារ
ចាស់ ទីលំនៅស្នាក់ម្តុំផ្សារចាស់ ខណ្ឌដូនពេញ និងទី២.អុល អាត ភេទប្រុស អាយុ២៩ឆ្នាំ ជនជាតិខ្មែរ មុខរបរលើកឥវ៉ាន់ផ្សារនាគមាស ស្នាក់នៅម្តុំមាន់ចែ សង្កាត់ផ្សារដើមគរ។
វត្ថុតាងចាប់យករួមមានៈដែកអក្សតេ សម្រាប់កាច់បំបែកសោម៉ូតូចំនួន០២, ដែកលួសសម្រាប់ឆ្កឹះសោរ០១, ទូរស័ព្ទចំនួន០១គ្រឿង។
លោកអធិការបន្តថាមុនពេលឃាត់ខ្លួនជនសង្ស័យខាងលើម្ចាស់ផ្ទះឃើញជនសង្ស័យចំនួន០២នាក់នាក់ (ឃើញតាមរយះកាមេរ៉ាសុវត្ថិភាព) មើលឃើញជនសង្ស័យម្នាក់កំពុងអើតមើលកង់បី ម្នាក់អើតមើលផ្ទះរបស់ឈ្មោះហុង ពិសិដ្ឋ
ពេលនោះក៏នាំគ្នាចេញមកជនសង្ស័យក៏ព្យាយាមរត់ដល់ផ្លូវបំបែកជិតដល់ផ្លូវឡើង២៧១ ក៏ឃាត់បានជនសង្ស័យទាំង២នាក់រួមទាំងវត្ថុតាងជាក់ស្តែងតែម្តង។
បច្ចុន្នជនសង្ស័យទាំង២ត្រូវបានឃាត់ខ្លួនបណ្តោះអាសន្ននៅអធិការដ្ឋានដើម្បី សាកសួរនឹងកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ7251
- ម្សិលមិញ11441
- សប្តាហ៍នេះ37081
- ខែនេះ152231
- ឆ្នាំនេះ152231
- សរុប20594687